उम्मेदवार छनोटमा आर्थिक चलखेल र शक्तिको दुरुपयोग नगर्न रास्वपाको सातबुँदे निर्देशन

काठमाडौं, 2026-11-06  राष्ट्रिय स्वतन्त्र पार्टी (रास्वपा) ले स्थानीय तह निर्वाचनका उम्मेदवार छनोट प्रक्रियालाई निष्पक्ष र व्यवस्थित बनाउन सातबुँदे निर्देशन जारी गरेको छ। केन्द्रीय निर्वाचन समितिका अध्यक्ष भुवन केसीले जारी गरेको निर्देशनमा आर्थिक लेनदेन, उपहार, भोजभतेर, धम्की, भ्रामक प्रचार र पदको दुरुपयोग नगर्न सचेत गराइएको छ। निर्देशन उल्लङ्घन गरे उम्मेदवारी खारेजदेखि पार्टी सदस्यता समाप्तिसम्मको कारबाही हुन सक्ने जनाइएको छ।