वर्षाका कारण काभ्रेपलाञ्चोकको रोशी गाउँपालिका–९ पिन्थलीबेँसी नजिक अवरुद्ध बीपी राजमार्ग पुनः सञ्चालनमा आएको छ। नार्के र पिन्थलीबेँसीबीच निर्माणाधीन सडकखण्डमा लेदो र गेग्रान खसेपछि यातायात रोकिएको थियो। डोजरको सहायताले अवरोध हटाएपछि सडक सञ्चालनमा आएको प्रहरीले जनाएको छ। वर्षा जारी रहेकाले अन्य स्थानमा पनि अवरोध हुन सक्ने भन्दै सावधानीपूर्वक यात्रा गर्न आग्रह गरिएको छ।
