स्थानीय तह निर्वाचनको आन्तरिक तयारीमा आयोग, मिति सरकारले तोक्ने : प्रमुख आयुक्त कार्की

प्रमुख निर्वाचन आयुक्त मानबहादुर कार्कीले निर्वाचन आयोग स्थानीय तहको आगामी निर्वाचनको आन्तरिक तयारीमा रहेको बताएका छन्। निर्वाचनको मिति सरकारले आयोगसँगको परामर्शमा तय गर्ने र तोकिएको मितिमा निष्पक्ष तथा विवादरहित निर्वाचन गराउनु आयोगको दायित्व रहेको उनले बताए। स्थानीय तह लामो समय रिक्त राख्न नहुने भन्दै संवैधानिक र कानुनी व्यवस्थाअनुसार तयारी भइरहेको कार्कीले स्पष्ट गरेका छन्। स्थानीय तह र प्रदेश निर्वाचन एकैसाथ हुनेबारे अहिले भन्न नसकिने उनको भनाइ छ।