नेपाली कांग्रेसको संस्थापन इतर समूहले साउन २९ गतेदेखि काठमाडौंमा आयोजना गर्ने राष्ट्रिय भेलालाई पूर्वसभापति शेरबहादुर देउवाले सम्बोधन गर्ने भएका छन्। भेला आयोजक समितिका संयोजक डा. शशाङ्क कोइरालाले पत्रकार सम्मेलनमार्फत देउवाको सम्बोधन तय भएको जानकारी दिए। उनले राष्ट्रियता, लोकतन्त्र र समाजवादका मूलभूत सिद्धान्तमा आधारित भएर पार्टीलाई नयाँ दिशा र जीवन दिने भेलाको उद्देश्य रहेको बताए।
