प्रतिनिधिसभाले असार १५ सम्मको संसदीय क्यालेन्डर सार्वजनिक गरे पनि प्रधानमन्त्रीसँग प्रत्यक्ष प्रश्नोत्तर कार्यक्रम समावेश गरेको छैन। नियमावलीअनुसार प्रत्येक महिनाको पहिलो हप्तामा यस्तो कार्यक्रम अनिवार्य भए पनि जेठ र असारमा छुटाइएको हो। संसद सचिवालयले बजेटमाथि केन्द्रित छलफलका कारण कार्यक्रम नराखिएको जनाएको छ। आगामी दिनमा बजेट, आर्थिक विधेयक र विनियोजन विधेयकमाथि व्यापक छलफल तथा पारित गर्ने कार्यसूची तय गरिएको छ।
