नेपाली कांग्रेसका निवर्तमान सभापति शेरबहादुर देउवाले नेपाली जनता नै देशका मालिक भएको बताएका छन्। बिहीबार स्वदेश फर्किएपछि चुनदेवीस्थित कांग्रेस संस्थापन इतरको सम्पर्क कार्यालयमा नेता–कार्यकर्तालाई सम्बोधन गर्दै उनले जनताले जे चाह्यो त्यही हुने बताए। आफू र पत्नी आरजु राणा देउवाविरुद्धका मुद्दा तथा पक्राउ प्रयासप्रति असन्तुष्टि जनाउँदै देउवाले अदालतप्रति पूर्ण विश्वास रहेको बताए। उनले आफू आगामी दिनमा पनि राजनीतिक रूपमा लडिरहने बताए।
