राष्ट्रिय स्वतन्त्र पार्टी (रास्वपा) ले सांसद खगेन्द्र सुनारको महिला हिंसासम्बन्धी अडिओ प्रकरण छानबिन गर्न छुट्टै समिति गठन गरेको छ। आयोगका उपप्रमुख हरिचन्द्र भट्टराईको संयोजकत्वमा गठित समितिले अडिओ तथा भिडिओको प्राविधिक जाँच गर्नेछ। सुनारले अडिओमा रहेको स्वर आफ्नो नभएको दाबी गरेका छन्। समितिले प्रमाण संकलन गरी प्रतिवेदन दिएपछि आयोगले निष्कर्ष निकाल्नेछ।
