नेपालगञ्जस्थित जमुनाह नाकामा कडाइ गरिएपछि यसपटक भारतीय बजार रुपैडिहामा दसैँको किनमेल गर्ने नेपाली उपभोक्ताको भीड घटेको छ । विगतमा दैनिक ठूलो सङ्ख्यामा नेपाली सीमापारि जाने गर्थे । गत वैशाखदेखि रु १०० भन्दाबढीका सामान बिनाभन्सार ल्याउन रोक लगाइएको थियो, जुन सीमा हाल रु ५०० पुर्याइएको छ । सीमापारी रुपैडिहा बजार जाने उपभोक्ताको सङ्ख्या घटेसँगै नेपालगञ्जका ‘सपिङ मल’मा भीडभाड बढेको छ ।
