नेपाल–भारत विदेश सचिवस्तरीय बैठक सम्पन्न, सम्पर्क सञ्जाल र व्यापारमा छलफल

काठमाडौं, 2026-11-04  नेपालका परराष्ट्रसचिव अमृतबहादुर राई र भारतका विदेश सचिव विक्रम मिश्रीबीच बुधबार द्विपक्षीय बैठक सम्पन्न भएको छ। बैठकमा उच्चस्तरीय भ्रमण, हवाई, रेल, सडक तथा पुलमार्फत सम्पर्क सञ्जाल विस्तार, व्यापार सहजीकरण, विकास सहकार्य र ऊर्जा क्षेत्रको साझेदारी सुदृढ गर्ने विषयमा छलफल भएको परराष्ट्र मन्त्रालयले जनाएको छ। मिश्री दुईदिने औपचारिक भ्रमणका लागि नेपाल आएका हुन्।