स्याउ बिक्रीको मुख्य याम घर्किन लाग्दा मुस्ताङमा उत्पादित स्याउको ३० प्रतिशत मात्रै जिल्ला बाहिर निकासी भएको छ। यस वर्ष १० हजार मेट्रिक टन स्याउ उत्पादन भएको अनुमान छ, जसको मूल्य झन्डै दुई अर्ब रुपैयाँ पर्छ। असोज ११ गतेको भारी वर्षापछि बेनी-जोमसोम सडक दुई सातासम्म अवरुद्ध हुँदा निकासी प्रभावित भएको हो। सडक सञ्चालनमा आएपछि किसानले बाँकी स्याउ बजार पठाउन हतारिएका छन्। गत वर्ष मुस्ताङमा सात हजार मेट्रिक टन स्याउ उत्पादन भएको थियो।
