भ्रामक स्वास्थ्य विज्ञापन गर्ने १५ सामाजिक सञ्जाल अकाउन्ट बन्द गराउन विज्ञापन बोर्डको पत्राचार

विज्ञापन बोर्डले औषधिजन्य दाबी गरी अनधिकृत तथा भ्रामक विज्ञापन गर्ने १५ सामाजिक सञ्जाल अकाउन्ट बन्द गर्न नेपाल दूरसञ्चार प्राधिकरणलाई पत्राचार गरेको छ । कपाल उमार्ने, बोसो घटाउने, मिर्गौला सफा गर्ने तथा हड्डी र नसाको पीडा कम गर्ने दाबीका विज्ञापनमा बोर्डले निगरानी गरेको हो । अन्य १७ सामाजिक सञ्जालसँग सम्पर्क गरी भ्रामक विज्ञापन हटाउन लगाइएको बोर्डको वार्षिक प्रतिवेदनमा उल्लेख छ ।