एसियाली पूर्वाधार लगानी बैंक (एआईआईबी) को वार्षिक साधारणसभामा सहभागी हुन अर्थमन्त्री डा स्वर्णिम वाग्ले कतारको राजधानी दोहा प्रस्थान गरेका छन्। सभामा सदस्य राष्ट्रबीच दिगो पूर्वाधार विकास, आर्थिक साझेदारी र लगानी विस्तारका रणनीतिबारे छलफल हुनेछ। भ्रमणका क्रममा अर्थमन्त्रीले विभिन्न देशका समकक्षी तथा बैंकका उच्च अधिकारीसँग भेटवार्ता गर्ने कार्यक्रम छ। भेटमा नेपालमा विदेशी लगानी भित्र्याउने विषयमा छलफल गरिनेछ।
