नेपाल प्रहरीको केन्द्रीय अनुसन्धान ब्युरो (सीआईबी)ले दीपक भट्टसँग जोडिएका व्यक्तिहरूमाथि अनुसन्धान थालेको छ। धितोपत्र सम्बन्धी कसुरमा अनुसन्धान गर्दै सीआईबीले ५६ जना लगानीकर्ता र विभिन्न कम्पनीका उच्च पदस्थ अधिकारीहरूको सेयर रोक्का राख्न निर्देशन दिएको हो। साथै उनीहरूको लगानी विवरण माग गरिएको छ। रोक्का सूचीमा बीमा, इन्भेस्टमेन्ट र सेक्युरिटीज कम्पनीका प्रमुख सेयरधनी तथा व्यवस्थापकहरू रहेका छन्।
