स्थानीय समस्या समाधानका लागि अध्यादेश ल्याउन सरकारलाई सांसद कार्कीको आग्रह

राष्ट्रिय स्वतन्त्र पार्टीका सांसद गणेश कार्कीले स्थानीय तथा राष्ट्रिय समस्या समाधानका लागि अध्यादेशमार्फत काम अघि बढाउन सरकारलाई आग्रह गरेका छन्। बर्खे अधिवेशनको अन्तिम दिन प्रतिनिधिसभाको शून्य समयमा बोल्दै उनले संसदीय प्रक्रिया सुस्त हुँदा नागरिकका समस्या समाधानमा ढिलाइ भएको बताए। मोरङ–३ का जग्गा, विकास र शिक्षा क्षेत्रका समस्या उल्लेख गर्दै उनले प्रक्रियागत सुधारको आवश्यकता औँल्याएका छन्।