नेपाल राष्ट्र बैंकले दसैंलगायत चाडपर्वलाई लक्षित गर्दै बैंक तथा वित्तीय संस्थालाई एटिएमबाटै १०० रुपैयाँका नयाँ नोट उपलब्ध गराउन निर्देशन दिएको छ। केही बैंकले नयाँ प्रविधिका एटिएमबाट नोट वितरण सुरु गरेका छन्। राष्ट्र बैंकका प्रवक्ता गुरुप्रसाद पौडेलले असोज १ देखि राष्ट्र बैंक र वाणिज्य बैंकबाट सुकिला तथा सफा नोट उपलब्ध भइरहेको बताए। नयाँ नोट बजारमा ल्याउने परिपाटी घटाउँदै लगिएको पनि उनले जानकारी दिए।
