विशेष अधिवेशनमा सहभागी नेता–कार्यकर्ता आफ्नो समूहमा फर्किएको प्रकाशशरण महतको दाबी

नेपाली कांग्रेसका इतर पक्षका नेता डा. प्रकाशशरण महतले सभापति गगन थापाले गराएको अधिवेशन प्रक्रियामा सहभागी नेता–कार्यकर्ता आफ्नो समूहको अधिवेशन प्रक्रियामा फर्किन थालेको दाबी गरेका छन्। काठमाडौंमा आयोजित पत्रकार सम्मेलनमा उनले देशभर स्वतःस्फूर्त रूपमा नेता–कार्यकर्ता जोडिएको बताए। विशेष अधिवेशनमार्फत पार्टीलाई बिथोल्ने प्रयास भएको आरोप लगाउँदै उनले पार्टीका मूल आदर्श, मूल्य र मान्यताको पक्षमा आफूहरू उभिएको दाबी गरेका छन्।