नेपाली कांग्रेसको १५औँ महाधिवेशनअन्तर्गत नयाँ केन्द्रीय कार्यसमिति चयनका लागि बिहीबार बिहान १० बजेदेखि मतदान हुने भएको छ। सात हजार २५५ प्रतिनिधिले नेतृत्व चयनका लागि मतदान गर्नेछन्। वर्षा र प्राविधिक कारणले पूर्वनिर्धारित समयभन्दा तीन घण्टा ढिला मतदान सुरु गर्न लागिएको निर्वाचन समितिले जनाएको छ। मतदानका लागि राष्ट्रिय सभागृह, खुलामञ्च र प्रज्ञा भवनमा सात केन्द्र तोकिएका छन्।
