सात समस्याग्रस्त सहकारीका १२२ बचतकर्ताले पाए रकम फिर्ता

काठमाडौं, 2026-11-04  सात समस्याग्रस्त सहकारीले १२२ बचतकर्ताको रकम फिर्ता गरेका छन्। समस्याग्रस्त सहकारी व्यवस्थापन समितिका अनुसार तीन सहकारीले २३ जनाको पूर्ण बचत र अन्य चार सहकारीले ९९ जनाको आंशिक बचत फिर्ता गरेका हुन्। ऋण असुली र सम्पत्ति व्यवस्थापनबाट प्राप्त रकम बचतकर्तालाई वितरण गरिएको हो। पहिलो चरणमा थोरै बचत भएका बचतकर्तालाई प्राथमिकता दिइएको समितिले जनाएको छ।