हिमाली र पहाडी क्षेत्रमा हल्का वर्षा तथा हिमपातको सम्भावना

काठमाडौं, 2026-11-02 
पश्चिमी वायुको आंशिक प्रभावका कारण सोमबार देशभर आंशिक बादल लाग्ने मौसम पूर्वानुमान महाशाखाले जनाएको छ। महाशाखाका अनुसार दिउँसो हिमाली र पहाडी भूभागका एक-दुई स्थानमा हल्का वर्षा तथा हिमपातको सम्भावना छ। लुम्बिनीको तराई क्षेत्रमा पनि हल्का वर्षा हुन सक्नेछ। राति तराई, उपत्यका र खोँचहरूमा बिहानपख हुस्सु तथा कुहिरो लाग्ने सम्भावना छ। दार्चुला, बझाङ र हुम्लामा हल्का वर्षा तथा हिमपात भइरहेको छ।