पक्राउ परेका सबै पत्रकार रिहा भएको सञ्चारमन्त्रीको भनाइ

सूचना तथा सञ्चारमन्त्री डा. विक्रम तिमिल्सिनाले शुक्रबार पक्राउ परेका सबै पत्रकार रिहा भएको बताएका छन्। सादा पोसाकका प्रहरीले विभिन्न सञ्चारमाध्यमका समाचार कक्षबाट पत्रकारलाई नियन्त्रणमा लिएका थिए। मन्त्री तिमिल्सिनाले सरकार प्रेस स्वतन्त्रताप्रति पूर्ण प्रतिबद्ध रहेको उल्लेख गर्दै प्रेस स्वतन्त्रता र जिम्मेवार पत्रकारिता लोकतन्त्रका आधारस्तम्भ भएको बताएका छन्।