बंगालको खाडीमा विकसित न्यूनचापीय प्रणाली पूर्वबाट पश्चिमतिर सर्दै गएपछि नेपालका अधिकांश जिल्लामा वर्षा भइरहेको छ। मौसमविद्का अनुसार शनिबार पूर्वी क्षेत्रमा वर्षा केही घटे पनि पश्चिमी भूभागमा आज रातिदेखि पानी पर्ने क्रम बढ्नेछ। लगातारको वर्षासँगै नदी तथा खोलामा बहाव बढेको छ। मौसम विभागले विभिन्न जिल्लामा बाढीपहिरोको जोखिम बढेकाले सतर्क रहन आग्रह गरेको छ।
