निजामती ऐन अध्यादेशबाट ल्याउन खोजिएको भन्दै सांसदहरूको आपत्ति

संघीय निजामती ऐन अध्यादेशमार्फत ल्याउन खोजिएको भन्दै प्रतिनिधिसभामा सांसदहरूले आपत्ति जनाएका छन्। मंगलबारको बैठकमा नेकपाका सांसद पार्वती विकले संसद् छल्ने प्रयास नगर्न सरकारलाई आग्रह गर्दै निजामती विधेयक सदनमा ल्याउन माग गरेकी छन्। अर्की सांसद बलावती शर्माले पनि निजामती ऐन र शिक्षा विधेयक सदनमा दर्ता गर्न माग गर्दै ३० वर्षे सेवा अवधि र ५५ वर्षे उमेरहदको चर्चाले कर्मचारीमा त्रास बढाएको बताएकी छन्।