राष्ट्रपति रामचन्द्र पौडेलले शुक्रबार राति १२ बजेदेखि लागू हुने गरी संघीय संसद्को चालु अधिवेशन अन्त्य गरेका छन्। मन्त्रिपरिषद्को मंगलबारको बैठकले अधिवेशन अन्त्य गर्न सिफारिस गर्दै राष्ट्रपति कार्यालयमा पत्र पठाएको थियो। सरकारको सिफारिसका आधारमा राष्ट्रपतिले अधिवेशन अन्त्य गरेका हुन्। वैशाख २८ गतेदेखि सुरु भएको अधिवेशनमा बजेट, बजेटसम्बन्धी कानुन तथा विभिन्न अध्यादेश स्वीकृत भएका थिए।
