आज कोशी, बागमती र गण्डकीसहितका प्रदेशमा मेघगर्जन र चट्याङसहित वर्षाको सम्भावना

पश्चिमी न्यून चापीय प्रणाली र मनसुनी वायुको प्रभावले देशका विभिन्न क्षेत्रमा वर्षा भइरहेको छ। आज दिउँसो कोशी, बागमती र गण्डकीका हिमाली तथा पहाडी भागका केही स्थानमा मेघगर्जन र चट्याङसहित मध्यमसम्मको वर्षा हुने सम्भावना छ। लुम्बिनी, कर्णाली र सुदूरपश्चिमका केही स्थानमा पनि वर्षा हुन सक्छ। राति पहाडी क्षेत्रमा हल्का वर्षा वा हिमपातको सम्भावना छ।