आज पितृ पक्षको समापन, पितृका नाममा तर्पण र पिण्डदान गरिँदै

आश्विन कृष्ण प्रतिपदादेखि सुरु भएको पितृ पक्ष आज औँसीका दिन दिवंगत पितृका नाममा तर्पण, सिदादान र पिण्डदान गरी समापन गरिँदैछ। यस दिन रोकिएको श्राद्ध गर्न सकिने शास्त्रीय मान्यता छ। आज पनि गर्न नसकिए आश्विन शुक्ल पञ्चमीसम्म तथा विशेष अवस्थामा अन्य तिथिमा गर्न सकिने धर्मशास्त्रमा उल्लेख छ। पितृ पक्ष सकिएसँगै असोज २५ गते घटस्थापनाबाट दुर्गा पक्ष अर्थात् बडादशैँ सुरु हुनेछ।