अमेरिकामा मध्यावधि निर्वाचनका लागि मतदान जारी

काठमाडौं, 2026-11-03  अमेरिकामा मध्यावधि निर्वाचनअन्तर्गत मंगलबार मतदान भइरहेको छ। प्रतिनिधिसभाका सबै ४३५ र सिनेटका ३५ सिटका लागि प्रतिस्पर्धा हुँदैछ। हाल दुवै सदनमा राष्ट्रपति डोनाल्ड ट्रम्पको रिपब्लिकन पार्टीको बहुमत छ। निर्वाचनमा डेमोक्र्याटिक पार्टीले बहुमत हासिल गरे ट्रम्पलाई आफ्ना एजेन्डासम्बन्धी कानुन पारित गराउन कठिन हुन सक्छ। प्रारम्भिक नतिजा नेपाली समयअनुसार बुधबार बिहान सार्वजनिक हुन थाल्नेछ।