राष्ट्र बैंकले बिहीबार र शुक्रबार सुनका असर्फी र चाँदीका सिक्का बेच्ने

काठमाडौं, 2026-11-03  नेपाल राष्ट्र बैंकले तिहारका लागि आगामी बिहीबार र शुक्रबार सुनका असर्फी तथा चाँदीका मेडालियन बिक्री गर्ने भएको छ। बैंकले साढे दुई ग्रामका सुनका असर्फी र १० ग्रामका चाँदीका सिक्का उपलब्ध गराउनेछ। वाणिज्य बैंकबाट ३५ किलो सुन खरिद गरी असर्फी बनाइएको हो। एक व्यक्तिले एउटा असर्फी र तीनवटासम्म चाँदीका मेडालियन किन्न सक्नेछन्। मूल्य सोही दिनको बजारदरअनुसार निर्धारण हुनेछ।