महानवमीमा तलेजु भवानी मन्दिर बिहान ५ देखि बेलुकी ६ बजेसम्म खुला रहने

विश्व सम्पदा सूचीमा सूचीकृत हनुमानढोका दरबार क्षेत्रस्थित तलेजु भवानी मन्दिर कात्तिक ३ गते महानवमीका दिन बिहान ५ बजेदेखि बेलुकी ६ बजेसम्म सर्वसाधारणका लागि खुला गरिने भएको छ। वर्षमा एक दिन मात्र खुल्ने मन्दिरमा हजारौँ भक्तजनले दर्शन तथा पूजाआराधना गर्ने परम्परा छ। महानवमीमा कालरात्रि पूजा र ५४ बोका तथा ५४ राँगाको बलि दिने कार्यक्रमसमेत रहेको छ।