डा. गोविन्द केसीका चार माग, सरकारलाई एक हप्ताको अल्टिमेटम

डा. गोविन्द केसीले गेटा मेडिकल विश्वविद्यालयलाई न्यूनतम पूर्वाधार र जनशक्तिबिना एमबीबीएस सञ्चालन गर्न दिएको अनुमति खारेज गर्नेलगायत चार माग पूरा गर्न सरकारलाई एक हप्ताको समय दिएका छन्। सोमबार विज्ञप्ति जारी गर्दै उनले चिकित्सा शिक्षा आयोगका उपाध्यक्षलाई बर्खास्त गर्न र २४औँ सत्याग्रहका क्रममा भएको सहमति कार्यान्वयन गर्न माग गरेका छन्। माग पूरा नभए पुनः सत्याग्रहसहित आन्दोलन गर्ने चेतावनी दिएका छन्।