चितवनमा तीन सवारीसाधन ठोक्किँदा १० घाइते

चितवनको इच्छाकामना गाउँपालिका-०४ धारापानीस्थित पृथ्वी राजमार्गमा तीनवटा सवारीसाधन एक-आपसमा ठोक्किँदा १० जना घाइते भएका छन् ।
आज बिहान करिब ९:२० मा काठमाडौंमा‍बाट मुग्लिङतर्फ जाँदै गरेको बागमती प्रदेश ०३-००१ ज १२५९ नम्बरको माइक्रोलाई विपरीत दिशाबाट आउँदै गरेको बागमती प्रदेश ०३-००१ ख २७७७ नम्बरको बसले ठक्कर दिएको थियो ।
नेपाल प्रहरीका अनुसार बस अनियन्त्रित भई काठमाडौंबाट मुग्लिङतर्फ जाँदै गरेको प्रदेश १-०२-००२ ख ६१३ नम्बरको ट्रकमा समेत ठोक्किएपछि दुर्घटना भएको हो ।
दुर्घटनामा बस र माइक्रोमा सवार १० जना घाइते भएका छन् । घाइतेहरूलाई उपचारका लागि कुरिनटारस्थित सशस्त्र प्रहरी पृथ्वी हाईवे ट्रमा सेन्टर तथा इच्छाकामना गाउँपालिका अस्पतालमा लगिएको छ ।