सोलुखुम्बुको फेरुचे हेलिप्याडमा दुई हेलिकप्टर ठोक्किँदा एकको मृत्यु, तीन घाइते

सोलुखुम्बु, 2026-11-03  सोलुखुम्बुको फेरुचे हेलिप्याडमा दुई हेलिकप्टर आपसमा ठोक्किँदा एक भारतीय नागरिकको मृत्यु भएको छ भने दुई पाइलटसहित तीन जना घाइते भएका छन्।
नेपाल प्रहरीका अनुसार खुम्बु पासाङल्हामु गाउँपालिका-४ फेरुचेमा सोमबार बिहान अवतरणका क्रममा फिस्टेल एयर र डाइनेस्टी एयरका हेलिकप्टर एक-आपसमा ठोक्किएका थिए। दुर्घटनामा भारतको चेन्नईका ४७ वर्षीय वसन्तकुमार बलरामुडुको घटनास्थलमै मृत्यु भएको हो। मृतकको शव लुक्ला ल्याइएको छ।घाइतेमध्ये न्युजिल्यान्डका नागरिक सेलिशकुमार पटेल र फिस्टेलका पाइलट रविन्द्र प्रजापतिलाई उपचारका लागि काठमाडौंको मेडिसिटी अस्पताल पठाइएको छ। डाइनेस्टी एयरका पाइलट प्रजल केसीको लुक्लामै उपचार भइरहेको र अवस्था सामान्य रहेको प्रहरीले जनाएको छ।