जापानका लागि प्रस्तावित राजदूत थापाबारे सोमबार निर्णय हुँदै

जापानका लागि प्रस्तावित राजदूत जिज्ञानकुमार थापाबारे निर्णय लिन संसदीय सुनुवाइ समितिको बैठक सोमबार दिउँसो ३ बजे सिंहदरबारमा बस्ने भएको छ। असोज २८ गते भएको सुनुवाइमा उनको पीआर, पारिवारिक सम्पत्ति र जापानसँगको सम्बन्धबारे प्रश्न उठेपछि निर्णय रोकिएको थियो। समितिले जापान सरकारसँग मागेको विवरण अझै प्राप्त भएको छैन। ४५ दिने समयसीमा कात्तिक १९ गते सकिँदैछ।