न्याय परिषद्ले सर्वोच्च अदालतको न्यायाधीशमा चार जनाको नाम सिफारिश गरेको छ। मंगलबार बसेको परिषद्को बैठकले उच्च अदालतका मुख्य न्यायाधीशसहित चार न्यायाधीशलाई सर्वोच्चका लागि सिफारिश गरेको हो। सिफारिश हुनेमा उच्च अदालत पोखराका मुख्य न्यायाधीश रत्नबहादुर बागचन्द तथा उच्च अदालतका न्यायाधीशहरू चन्द्रबहादुर सारू, जनक पाण्डे र गोकर्ण डाँगी रहेका छन्। अब उनीहरूको नियुक्ति संवैधानिक प्रक्रियाअनुसार अघि बढ्नेछ।
