कुलेखानी जलाशयको पानीको सतह १,५२६.५० मिटरमा पुग्यो; चौबीसै घण्टा पूर्ण क्षमतामा सञ्चालन

लगातारको वर्षापछि कुलेखानी जलाशयको पानीको सतह आइतबार दिउँसो २ बजेसम्म १,५२६.५० मिटर पुगेको छ। कुलेखानी प्रथम आयोजनाका प्रमुख प्रह्लाद राउतका अनुसार जलाशयमा अधिकतम १,५३० मिटरसम्म पानी भर्न सकिन्छ। सतह सुरक्षित तहमा राख्न कुलेखानी जलविद्युत् केन्द्र चौबीसै घण्टा पूर्ण क्षमतामा सञ्चालन गरिएको छ। थप सतह बढ्न सक्ने अवस्थालाई ध्यानमा राख्दै आवश्यक सुरक्षात्मक तयारी गरिएको छ।