नेकपा एमालेले आगामी मंसिर पहिलो साता काठमाडौंमा राष्ट्रिय कार्यकर्ता भेला गर्ने निर्णय गरेको छ। पार्टी सचिव महेश बस्नेतका अनुसार तल्लो तहका भेला र अधिवेशन सम्पन्न गरेपछि राष्ट्रिय भेला गरिनेछ। भेलामा प्रदेश तथा जिल्ला पदाधिकारी, पालिका अध्यक्ष–उपाध्यक्ष र संघ, प्रदेश तथा स्थानीय तहका जनप्रतिनिधि सहभागी हुनेछन्। मंसिर २६ गते वडा र पुस ४ गते पालिका अधिवेशन गर्ने निर्णय पनि भएको छ।
