अविरल वर्षासँगै बाढी, पहिरो र डुबानको जोखिम बढेपछि जिल्ला प्रशासन कार्यालय धादिङले पृथ्वी राजमार्गमा रात्रिकालीन सवारी आवागमनमा रोक लगाएको छ। प्रशासनका अनुसार बिहीबार राति ८ बजेदेखि शुक्रबार बिहान ५ बजेसम्म राजमार्गमा सबै सवारीसाधनको आवागमन बन्द हुनेछ। भारीदेखि अति भारी वर्षाको पूर्वानुमानपछि यात्रु तथा चालकको सुरक्षालाई ध्यानमा राख्दै निर्णय गरिएको हो।
