अम्बे स्टिलमा आगलागी हुँदा ८ जना घाइते

काठमाडौं, 2026-11-01  बाँकेको जानकी गाउँपालिका-५ स्थित अम्बे स्टिल सरिया कम्पनीमा आगलागी हुँदा आठ जना घाइते भएका छन्। घाइतेमध्ये शिवप्रसाद चमार र रामदिन हरिजनलाई थप उपचारका लागि भारतको लखनउ रिफर गरिएको प्रहरीले जनाएको छ। अन्य छ जनाको भेरी अस्पतालमा उपचार भइरहेको छ।
आइतबार बिहान करिब ५:४० बजे कम्पनीभित्र फलाम पगाल्न प्रयोग हुने २५ टन क्षमताका तीनवटा भट्टीमध्ये एउटामा विद्युत् सर्ट भएर आगलागी सुरु भएको प्रारम्भिक जानकारी छ। तीन दमकल, प्रहरी र स्थानीयवासीको सहयोगमा बिहान सवा ८ बजे आगो नियन्त्रणमा लिइएको थियो। आगलागीबाट भएको अन्य क्षतिको विवरण खुल्न बाँकी छ।