बाघको आक्रमणबाट चितवनमा एक जनाको मृत्यु, बाघ नियन्त्रणमा

चितवन, 2026-11-04  चितवनको भरतपुर महानगरपालिका-२७ स्थित राधाकृष्ण सामुदायिक वनमा बाघको आक्रमणबाट एक जनाको मृत्यु भएको छ।
निउरो टिप्न गएका ४६ वर्षीय भीम महतोलाई कात्तिक १७ गते बाघले आक्रमण गरी लगेको थियो। चार जनाको समूहमा गएका महतोको खोजी गर्ने क्रममा बुधबार बिहान चितवन राष्ट्रिय निकुञ्जभित्र शव फेला परेको हो।
शव भेटिएको स्थाननजिकै रहेको बाघलाई डार्ट हानेर नियन्त्रणमा लिइएको प्रहरीले जनाएको छ। घटनाबारे थप अनुसन्धान भइरहेको छ।