उदयपुर कारागारमा क्षमताभन्दा चार गुणा बढी कैदीबन्दी

उदयपुर, 2026-11-04  उदयपुर कारागारमा ६० जनाको क्षमता भएको जीर्ण भवनमा २३२ कैदीबन्दी राखिएका छन्। क्षमताभन्दा झन्डै चार गुणा बढी कैदीबन्दी हुँदा खाने, बस्ने, सुत्ने र शौचालय प्रयोग गर्नसमेत समस्या भएको छ। चार दशक पुरानो भवनका भित्ता र पर्खाल कमजोर छन्। नयाँ भवन निर्माणका लागि चालु आर्थिक वर्षमा बजेट सुनिश्चित भए पनि ठेक्का प्रक्रिया अघि बढ्न सकेको छैन।