आज बिहान गुण्डुस्थित निवासबाट पक्राउ गरेको प्रहरीले केहीबेर प्रहरी परिसर भद्रकालीमा राखेर स्वास्थ्य परीक्षण गर्न लगेको हो ।

शनिबार अदालत बिदा हुने भएकाले उनीहरूलाई आइतबार प्रहरीले थुनामै राखेर अनुसन्धान गर्न माग गर्दै अदालतमा पेस गर्नेछ ।

सचिव महेश बस्नेतले आन्दोलनका कार्यक्रम सार्वजनिक गरिने बताउँदै ओली र लेखकको गिरफ्तारीले देशमा द्वन्द्व बढ्ने अवस्था सिर्जना भएको बताएका छन्।

ओली र लेखकलाई पक्राउ गर्न ठूलो संख्यामा पुगेको प्रहरीले दुवै जनालाई उनीहरूकै निवासबाट नियन्त्रणमा लिएको हो।

नयाँ सरकार बनेलगत्तै बसेको मन्त्रिपरिषद् बैठकले गौरीबहादुर कार्की नेतृत्वको जाँचबुझ आयोगले तयार पारेको प्रतिवेदन कार्यान्वयन गर्ने निर्णय गरेको थियो ।

अर्थ मन्त्रालयमा कार्यभार सम्हाल्दै उनले राजनीति र नीति निर्माणमा कुनै निहित स्वार्थ नचलाउने र जनहितमा ऐनको इमानदार कार्यान्वयन सुनिश्चित गर्ने बताए।