धादिङको कृष्णभिर र तिङग्राङखानीमा पहिरो खसेपछि पृथ्वी राजमार्ग दुईतर्फी अवरुद्ध भएको छ। बेनीघाट रोराङ गाउँपालिकाका यी क्षेत्रमा अविरल वर्षाका कारण लेदोसहित पहिरो खस्ने क्रम जारी रहेको प्रहरीले जनाएको छ। कृष्णभिरमा सडक पूर्ण रूपमा बन्द हुँदा सवारी सञ्चालन हुन सकेको छैन। राजमार्गका अन्य स्थानमा पनि साना पहिरो खसेका छन् भने केही ठाउँमा सडक एकतर्फी सञ्चालनमा रहेको छ।
