अर्नब’ चक्रवातको प्रभावले नेपालमा वर्षा र हिमपातको जोखिम

बंगालको खाडीमा विकसित ‘अर्नब’ चक्रवातको अवशेषले बिहीबार बेलुकादेखि शनिबारसम्म नेपालमा वर्षा र उच्च हिमाली क्षेत्रमा हिमपात गराउन सक्ने मौसम पूर्वानुमान गरिएको छ। मौसमविद् विभूति पोखरेलले आत्तिनुपर्ने अवस्था नरहे पनि सतर्क रहन आग्रह गरेकी छन्। भारी वर्षा, हिमआँधी, हिमपहिरो र पहिरोको जोखिम हुन सक्ने भएकाले हिमाली यात्रा नगर्न, सडकको अवस्था बुझेर यात्रा गर्न र किसानलाई धान काट्ने काममा सावधानी अपनाउन सुझाव दिइएको छ।