सरकारी वेबसाइटको सुरक्षा बलियो बनाउन साइबर सुरक्षा केन्द्रको निर्देशन

राष्ट्रिय साइबर सुरक्षा केन्द्रले नोड डट जेएसमा गम्भीर सुरक्षा कमजोरी पहिचान भएपछि सरकारी निकायलाई प्रणालीको संस्करण अद्यावधिक गर्न आग्रह गरेको छ। केन्द्रले वेबसाइटमा वैध एसएसएल/टीएलएस प्रमाणपत्र प्रयोग गरी एचटीटीपीएसमार्फत मात्र सञ्चालन गर्न निर्देशन दिएको छ। साथै, प्रमाणपत्रको वैधता जाँच, नियमित नवीकरण र असुरक्षित प्रोटोकल बन्द गरी नागरिकका संवेदनशील विवरण सुरक्षित राख्न भनेको छ।