उच्च पहाडी र हिमाली क्षेत्रमा नजान पर्यटकलाई अध्यागमनको आग्रह

अध्यागमन विभागले कात्तिक १२ देखि १४ गतेसम्म उच्च पहाडी तथा हिमाली क्षेत्रमा नजान पर्यटकलाई आग्रह गरेको छ। उक्त अवधिमा भारी हिमपात, हिमआँधी र हिमपहिरोको जोखिम रहेको विभागले जनाएको छ। पदयात्रामा गइसकेका पर्यटकलाई सुरक्षित स्थानमा रहन र जोखिमपूर्ण क्षेत्रमा यात्रा नगर्न अनुरोध गरिएको छ। यस अवधिका लागि निषेधित क्षेत्रमा पदयात्रा अनुमति जारी नहुने विभागले स्पष्ट पारेको छ।