प्रतिकुल मौसमका लागि कर्मचारी तयारी अवस्थामा: नेपाल विद्युत प्राधिकरण

मौसम पूर्वानुमान महाशाखाले १२, १३ र १४ गते देशका विभिन्न स्थानमा मध्यमदेखि भारी वर्षा, हिमपात, बाढी, पहिरो, चट्याङ र डुबानको सम्भावना औँल्याएपछि नेपाल विद्युत् प्राधिकरणले कर्मचारीलाई तयारी अवस्थामा राखेको छ। विद्युत् संरचनाको सुरक्षा र सेवा सुचारु राख्न तयारी गरिएको प्राधिकरणले जनाएको छ। उपभोक्तालाई सावधानी अपनाउन तथा आकस्मिक सहयोगका लागि हटलाइन नम्बर ११५० वा नजिकको नो–लाइट केन्द्रमा सम्पर्क गर्न आग्रह गरिएको छ।