कुलेखानी जलाशय भरिन लागेपछि तल्लो तटीय क्षेत्रका बासिन्दालाई सतर्क रहन आग्रह

लगातारको वर्षाले कुलेखानी जलाशयको पानीको सतह बढेर १ हजार ५२७.९३ मिटर पुगेपछि तल्लो तटीय क्षेत्रका बासिन्दालाई सतर्क रहन आग्रह गरिएको छ। जलाशयको अधिकतम क्षमता १ हजार ५३० मिटर हो। पानीको सतह तीव्र गतिमा बढिरहेकाले नदीकिनारबाट टाढा सुरक्षित स्थानमा बस्न र आयोजनाबाट जारी सूचना तथा एसएमएसमा दिइएका निर्देशन पालना गर्न प्रशासनले अनुरोध गरेको छ।