वर्षाका कारण लुम्बिनी र चितवनबीचको एनपीएल खेल रद्द

नेपाल प्रिमियर लिग (एनपीएल) अन्तर्गत शनिबार लुम्बिनी लायन्स र चितवन राइनोजबीच हुने भनिएको खेल वर्षाका कारण रद्द भएको छ। लगातारको वर्षाले कीर्तिपुरस्थित त्रिभुवन विश्वविद्यालय क्रिकेट मैदान खेल्न अयोग्य बनेपछि दुवै टोलीले एक–एक अंक बाँडेका छन्। शनिबार साँझ ५ बजेका लागि तय भएको विराटनगर किङ्स र सुदूरपश्चिम रोयल्सबीचको खेल पनि वर्षाले प्रभावित हुने सम्भावना छ।