एनपिएलमा आज दुई खेल

नेपाल प्रिमियर लिग (एनपिएल)मा आज दुई खेल हुँदैछन्। कीर्तिपुरस्थित त्रिवि मैदानमा मध्याह्न १२:३० बजे विराटनगर किंग्स र चितवन राइनोजबीच प्रतिस्पर्धा हुनेछ।
विराटनगरमा कप्तान सन्दीप लामिछानेसहित आन्द्रे रसेल र एन्जेलो म्याथ्युज छन्। चितवनले सिकन्दर राजा र रवि बोपाराजस्ता अनुभवी विदेशी खेलाडीलाई मैदानमा उतार्नेछ।
आजको दोस्रो खेलमा अपराह्न ५ बजे जनकपुर बोल्ट्स र कर्णाली याक्स भिड्नेछन्। जनकपुरमा मोइन अली र जिमी निसम छन् भने कर्णालीमा डेभिड मिलर र साहिबजादा फरहानजस्ता खेलाडी छन्।