भोटेकोशी बाढीबाट ७९ अर्बभन्दा बढीको क्षति

रसुवाको भोटेकोशी बाढीबाट घरपरिवार र व्यवसायमा गरी ७९ अर्ब १७ करोड रुपैयाँ बराबरको क्षति भएको छ। राष्ट्रिय योजना आयोगको प्रारम्भिक सर्वेक्षणअनुसार घरपरिवारतर्फ ६९ अर्ब ५७ करोड र व्यवसाय तथा प्रतिष्ठानतर्फ ९ अर्ब ६० करोड रुपैयाँको क्षति भएको हो। बाढीबाट ६ हजार ८१७ परिवार, ३२ हजार ८७२ व्यक्ति र ४९९ प्रतिष्ठान प्रभावित भएका छन्। दुई हजार ९८९ आवासीय संरचना पूर्ण रूपमा क्षतिग्रस्त भएका छन्।