एनपीएल–३ को उद्घाटनमा लुम्बिनी र सुदूरपश्चिम भिड्दै

नेपाल प्रिमियर लिग (एनपीएल) को तेस्रो संस्करण सोमबार साविक विजेता लुम्बिनी लायन्स र उपविजेता सुदूरपश्चिम रोयल्सबीचको खेलबाट सुरु हुँदैछ। साँझ ५ बजे सुरु हुने खेलमा लुम्बिनी उपाधि रक्षा गर्ने लक्ष्यमा छ भने सुदूरपश्चिम अघिल्लो फाइनलको हारको बदला लिन चाहन्छ। दुवै टोलीले यसपटक स्वदेशी तथा विदेशी खेलाडी समेट्दै टोलीलाई थप बलियो बनाएका छन्।